الخميس، 10 يوليو 2008

30 دقيقة في رئاسة الجمهورية


اغمضت عيني قليلا أفكر في البلاد وأحوالها فخطرت علي بالي فكرة جعلتني افتح عيني واصرخ باعلي صوتي واقول انا الزعيم . تصورة نفسي أني أصبحت رئيس للجمهورية تري ما الافكار التي روادتني اولها بما أني ما بحبش الوساطة قررت أول قرار جمهوري أتخذه هو نفي كل الذين كنت أعرفهم خارج البلاد بحبهم او بكرهم علشان محدش يتوسطلي لحد وبعد كده افرج عن كل السجناء والمعتقالين وانفيهم برده خارج البلاد ولاني عارفه مدي المعانه التي يعانيها الشعب المصري قررت ان اقدم لكل مواطن رحلة طويلة المدي للدولة التي يرغب في السفر إليها وهكذا تكون مصر لي وحدي ثم ابني مصر قصر كبير من اسكندرية لاسوان ومن البحر الاحمر لليبيا واترك الحدائق والاثار كمنتزهات لي في القصر واكبر منتزه هو في الاهرام لتريح أعصابي وأعيش رئيس جمهورية نفسي .

بعد شوية فكرت اكتر لقيت اني لو نفيت اللي كنت اعرفهم ممكن حد فيهم يغلس ويرجع مش هقدر ارفض علشان كده قررت بدل ما انفي كل اللي
كنت اعرفهم اعدمهم وخلص منهم وانفي اهلي علشان ابعتلهم الفلوس
وبعدها يرجعوا يحتكروا السوق والاسعار وخلي المصريين في بلدهم

بس برده بعد معملها قصر كبير يعيشوا كلهم معايا فيه ويشتغلوا وانا اشرف علي شغلهم امال انا هحكم مين .
ولما فكرت كمان شوية لقيت ممكن رجال الدين يعترضوا علي اني احكم البلد وبقي رئيسة جمهوريتها علشان كده قررت اني اعدم كل خرجين الازهر بس لقيت مشكلة انا هعدم كل اللي كنت اعرفهم وكل خرجين الازهر اعمل ايه في خرجين الازهر وكنت اعرفهم كمان فكرت شوية ولقيت الحل انا اعدمهم الاول علشان هما خرجين الازهر وبعدين اقول صحوهم علشان اعدمهم تاني لاني كنت اعرفهم .
وانا لسه بخطط وعماله احط في قررت واندمجت في رئاسة الجمهورية نادت عليا ماما , فقمت أشفها عايزة ايه وقولت في سري مش لو انا كنت رئيس جمهورية دلوقتي بجد مش كنت نفيت الست دي وارتحت من المشوار ده ولا ايه .
ياله دعوة ليكم كلكم كل واحد يقعد مع نفسه ويبقي رئيس جمهورية لمدة ثلاثين دقيقة
وما كتبت ليس من افكاري ولكن اسقاط علي ما تقوم به الحكومة في الشعب الآن
علياء النجار

هناك 9 تعليقات:

  1. انا لو بقيت رئيس جمهورية لمدة ثلاثين دقيقة اول قرار اخده ان ائمم كل الشركات المصرية من جديد
    احمد حلمي

    ردحذف
  2. انا جيت هنا عن طريق مكتوب

    بس انتِ لو مكتِ رئاسة الجمهورية
    حتكوني ناحجة جدا
    أيو هو كدا يبقا النظام واللى بلاش
    إعدام يعني إعدام ومش مرة واحدة لا اكتر من مرة
    مرة واحدة ما تنفعش
    هو دا الحكم والرئاسة، وهو دا الاسلوب الأمثل للحكم

    ردحذف
  3. عزيزتى علياء النجار سعدت بما قراته فى مدونتك والتى احسبها درب من دروب الجنون والخيال.
    انا لو بقيت رئيس جمهورية نصف ساعة هلغى حالة الطوارى واقيل الحكومة النظيفة واخرج المعتقلين من السجون المصرية واعلن غضبى من السياسات الغربية تجاه العرب وكذلك السياسات العربية - العربية ضد بعضهم البعض شكرا عزيزتى بس على فكرةانا هعطيكى صوتى

    ردحذف
  4. احمد القرار اللي انت هتخده ده صعب ده عبد الناصر علشان يأمم قناة السويس قعد يخطط سنتين وانت هتحكم نص ساعة وبس

    ردحذف
  5. صديقي الانسان او ابو ادم شكرا لمرورك يعني لو رشحت نفسي هتديني صوتك
    صديقي الصحفي شكرا لمرورك وكلماتك الجميلة واهم حاجه اني ضمنت صوتك معايا في رئاسة الجمهورية ان شاء الله لما المعتقل

    ردحذف
  6. انا لوبقيت رئيس للجمهورية مش هعمل حاجة دي نص ساعة مش اكتر شكرا ليك علي العمل الذي تقدمينه جميل بجد
    ليلي صالح

    ردحذف
  7. ليه بس كده ياعلياء هتودينا في داهية
    مش كفايه عليا جمهورية تيكا تيكا وبلاويها ....
    بس تعرفي انا لو بقيت رئيس جمهورية اول حاجه هعملها اني هنفيكي لجزيرة مالطا هههههههه
    وبعد كده هصدر قرار بمنع لبس البنطال للستات واللبس العريان وهولع فيهم في ميدان عام
    لالالا متفهمنيش غلط ...مش هولع ف يالستات انا هولع ف ياللبس هههههههههه
    يبقو يلبسو في بيوتهم الي عايزينوا
    كفايه تحرشات واغتصابات وبلاوي بقي
    تالت قرار بقي عقبال املتك كده ...
    هخلي شرط قبول في المدارس الوحيد هو حفظ القران كله والنجاح في اختبار اللجنه يبقي هو النجاح في ان الطفل يدخل المدرسه ولو محفظوش يبقي مش مهم يتعلم زي زمان
    وبرضو محدش يتخرج من اي جامعه كانت غير لما يكون حافظ القران كله ولو مش حافظينه عنهم ما اتخرجو اهم قاعدين كده كده مش هيشتغلو
    رابع قرار بقي هلغي كلمة بطاله من البلد واطفال شوارع مفيش الكلمتين دول هفتح الصحرا واخلي اي معدات العيال دي تشتغل بيها تحت اشراف وزاري والي تطلعو الارض بالنص بين الدولة وبين الناس دي ....
    خامس قرار بقي وبسرعه عشان فاضل 3 دقايق وارجع تاني واحد من الشعب ...
    اني هرجع كل الفلوس الي اتسرقت من البلد واتهربت علي بنوك اوروبا واحاكم الي مهربينها بتهمة خيانة البلد...وابني بيها مستشفيات علي اعلي مستوي لعلاج جميع الامراض والباقي هبني بيه مدينة علمية اخلي دكتور احمد زويل هو المشرف الاول عليها لتطوير نظم التعليم العلم والابحاث في مصر

    خلاص كفايه النص ساعه خلصت
    وماما بتندهلي هروح اكلمها لتنفيني انا ههههههههههههه

    ردحذف
  8. انا بقي مش عايز ابقي رئيس للجمهورية شكرا ليكي
    محمد

    ردحذف
  9. اسلام حلوة جدا النص ساعة بتعتك بس متنفنيش والنبي

    ردحذف