الأربعاء، 20 أغسطس 2008

عم شحاته بيصرح (حريق مجلس الشوري)

عم شحاته بيصرحمعلش يا شعب يا مصري الماس في الكهربه زاد حرق مجلس الشوري هتصدق فوق الراس مش هتصدق هتنداس والماس هيولع فيك زي ما ولع في المجلس معلش يا شعب يا مصري وحدات الانقاذ جات بعد ما الحريق فعلا زاد والخساير يدوب كام واحد جالهم اختناق واللي يموت منهم يموت المهم مصر فوق الراس برده بتنداس معلش يا شعب يا مصري اصلي الدخان كان مخفي محسناش بيه وزي كل مرة مش هنجامل واللي نقوله في الاعلام وثقين فيه وانتم دايما بتصدقوني ده انا المسئول ولازم كلامي تصدقوا معلش يا شعب يا مصري المطافي مش قادرة تسيطر اصلي المباني خشبية والبيوت اللي حوليه مش ليها عازةومعلش يا شعب يا مصري تصريحي السابق كان بخصوص البركان القطر سببه انبوبة بتجاز والعبارة ولعوا فيها الناس وصحابها خد براءة وداس والطيارة حكايتها خلصت خلاص ودي كلها اموال الناس لكن مجلس الشوري ده من اموال الحكومة يعني مننا فينا يا ولاد الذينه لازم الكل يعرف انه الحاكم بيخاف علي اموال الناس لكن دي فلوس الحكومة يبقي اللي هيتكلم ويقول ليه هيقطع لسانه والسجن هيكون مكانه وقد اعذر من انذر يعني مش ناقصين كلام والسجن مفتوح كمان وده تصريح معالي الوزير عم شحاته ( ولقد حرقت القاهرة مرتين - عصر الملك فاروق وقد كان له يد فيها - وفي العصر الحالي والله اعلم بيها ) ومعلش يا شعب يا مصري

هناك تعليق واحد:

  1. اخ الفاضل - اختى الفاضلة

    عضو اتحاد المدونين المصريين

    كل عام ونحن جميعا الى الله اقرب

    كل التهنئة بقدوم شهر رمضان

    اعاده الله علينا جميعا بالخير والبركات

    ودعواتنا جميعا بتحقيق الامال التى نصبوا اليها

    ردحذف