الجمعة، 19 يونيو 2009

أسرار سكن البنات


عزيزي القارئ عزيزتي القارئة تحقيقي هذه المرة خالي من الصور وذلك بناءا علي طلب من قمت معهم بالتحقيق وحساسيت موضوعي الخاص بسكن البنات , والإشاعات التي دارت حوله في الآونة الأخيرة ولأهمية الموضوع منكم وإليكم ترصد مصر الآن لكم المشكلة .
تقول س م م طالبة بالجامعة :
أنا مقيمة في سكن البنات بس بجد أنا مرتاحة في السكن أكتر من البيت لأني بطلع ودخل برحتي من غير دوشة البيت ده غير ده غير أني بلبس اللي أنا عايزه البسه ومحدش يقدر يقولي ليه وازاي .
وتري ن د ع موظفه مقيمة في سكن البنات :
أن البنات بمجرد ما تيجي السكن بتنسي كل ما تربت عليه وتبدأ حياه جديدة بلا رقيب ولا حسيب وده بيكون في وصلها متأخره للسكن وخروجها مع أولاد وده طبعا زي المثل اللي بيقول ( اللي يعرف أبويا يروح يقوله ) وانتم تقدروا تلاحظة ده في انه النوادي والكافاتريات تكون مشغولة طوال الفترات الدراسية أكثر من الأجازات .
وتضيف م م ك مشرفه في سكن بنات :
البنات لما بتيجي السكن مش بيهما حد حتي المشرفين وبيتعملوا بالصوت العالي وطول الوقت بيتكلموا في الموبيلات ده غير الطبل والزغريت طول الليل , والميكياجات اللي بتطحت ليل ونهار وبتكون زيادة عن الحد ولما تتكلم وتنصح تقولك أنا سكنه بفلوسي .
أسرار الأشباح التي تظهر في سكن البنات
تقول ذ ع ز طالبة بالمعهد :
في حاجات كتير بتحصل في السكن ومنها موقف حصل معايا كن أشوف ظل أولاد في مدخل العمارة اللي فيها السكن والسبب ده خلاني غيرت السكن , ده غير أستهتار البنات ودخولهم وخرجهم في أوقات غير مناسبه .
وتضيف أ ك ح طالبة بالجامعة :
سكن البنات ده بصراحة مش مضمون وده لأني شفت بنفسي اللي بيحصل فيه , انا كنت في مرة بزور وحده صاحبتي وأنا دخله شفت خيال ولد وشفته من ظهره وبلغت صدقتي وشافته هي كمان بلغت صاحب السكن وبعد ما حقق في الموضوع رجع وقال أنه مفيش حاجة ده أنتم كان بيتهيئ لكم وده كان طبعا علشان يحافظ علي سمعت سكنه وعلشان الفلوس اللي بتدفعله .
تقول ل م أ طالبة بالجامعة :
بصراحة أنا مقيمة في قنا وسمعت أشاعات كتير من أولاد قالوا قدامي أنهم عادي ممكن يدخلوا سكن البنات وأنا كنت بكدبهم لحد ما شفت بعيني في مرة دوشة في سكن بنات وبنات بتتخانق , وبيقولوا أنه في بنت كانت جايبه معاها ولد .
المواعيد الغرامية وبلكونات الغرام
يقول أ م أ طالب بالجامعة :
أنا ساكن في عمارة قدمنا فيها سكن بنات , والله علي اللي بشوفه بنات بتتدي للأولاد موعيد غرامية وييجي يستناها تحت البلكونه ويفضلوا يتكلموا مع بعض في الموبيل وهو طبعا بشعرها ولبسه نص أو كت في حين أنه وهي مروحه بيتها بتكون في غايت الحشمة والوقار .
يضيف ك ى ن صاحب محل تجاري :
المحل بتاعي في وشه سكن البنات كل يوم بالليل تدخ البت السكن وفي أيدها ولد شكل , بيهزروا ويضحكوا مع بعض ولا أكني حد هنا , وده قدام الناس في الشارع يمسك أيده ويمسكها من هدمها وحاجات تانية كتير , حتي أعتبار للناس اللي في الشارع مفيش .
تضيف م ن م موظفه :
أنا بمنع أولادي من دخول البلكونة لأني قدمنا سكن بنات والعامايل اللي بتعملها البنات خلط بخاف عليهم من اللي بيحصل , وقصص الحب اللي سمعنا عنها .
بنات بتعاكس
يقول ك ح د مدرس :
انا مرة كنت ماشي وفجأة لاقيت بنت بتصفري وانا ماشي في الشارع من البلكونه ولما بصيت لقيتها كمان بتشاوري وعايزة تكلمني .
يقول ج ع س صاحب محل تجاري :
كل يوم بشوف البنات قاعدين في البلكونات وشغاله تضحك بصوت عالي وهما كمان بشعرهم وينادوا علي الاولاد اللي مشين في الشارع .


إشاعات الجواز العرفي
يقول ل م ن طالب بالمعهد :
انا سمعت عن أكتر من حالة من الجواز العرفي بين طلاب المعهد وكمان بين طلاب الجامعة .
تقول س س ج موظفه :
انا قريب سمعت عن بنت أتجوزت عرفي علشان تلاقي حد يصرف عليها لاني الفلوس اللي بيبعتوهالها أهلها مش بتكفيها .
يقول د ي م موظف :
أنا سمعت برده عن حالات كتير من الجواز العرفي بين الطلاب والطالبات المغتربات وده لأني أهلهم بعاد ومفيش عليهم حد رقيب .
الحل فين
وبسؤال الدكتورة هالة نوفل رئيس قسم إعلام بكلية إداب جامعة جنوب الوادي :
انا شيفه أنه العيب بيرجع أساسا في التربية يعني من البيت يعني البنت اللي تربة علي أنه كل حاجه عيب وكل حاجة حرام من غير سبب لما بتخرج من البيت بتحس نفسها خلاص أخذت أفراج وبكده بتطلع وتتصرف كل التصرفات الغلط اللي كلنا بنشوفها وبنعيب عليها , وفي جزء تاني لازم نعلم أولادنا أني الرقيب عليهم هو نفسهم مش الأب أو الأم اللي بغيابهم ممكن تحصل كرسه , وكمان لازم نتابع أولادنا خطوة بخطوة حتي وهما بعاد عنا علشان منرجعش نقول ياريت اللي جري مكان .
يقول الشيخ حسين أمام مسجد :
أن غياب الوازع الديني لدا أبناءنا هو السبب لو البنت تعرف أنه ده ميصحش مش هتعمله والسبب في ده غياب دور الأسرة وأنشغال الأب والأم عن الأبناء وأحنا لازم ندعي للبنات دي بالهدايا .
وبكدا عرفنا المشكلة وبعض من أسبابها علي كل أب وأم أنهم يرجعوا نفسهم ويشوفوا ولادهم وبناتهم ريحين وفين ونلحقهم قبل فوات الآوان قبل ما يقولو ياريت اللي جري ماكان .

هناك 9 تعليقات:

  1. عجبني تنوع الاراء في البوست وطرح كافة وجهات النظر
    سؤال:هو أنتي في راديو حريتنا
    أصلي كنت فيه لحد نهاية فبراير الماضي
    :)

    ردحذف
  2. ربنا يستر علينا

    ردحذف
  3. انا طالبه وعايزه واعرف اماكن بيوت للمغتربات في القاهره وياريت تكون كويسه لو سمحتي

    ردحذف
  4. ندي للأسف انا معرفش عنوين سكن بنات اسفه جدا ليكي

    ردحذف
  5. بصراحة أنا أبحث عن عروسة ، وفقدت الثقة في جميع البنات لأن ما كتبتيه من أراء الناس شوفت كثير منه بعيني ، فهل توجد بنت حافظت علي نفسها في هذا الزمان ؟؟؟

    ردحذف
  6. اكيد يا احمد لسه في بنات كويسة ولاحظ اننا في مجتمع شرقي ورغم كل اللي بيحصل احنا بنحافظ علي عاداتنا وتقاليدنا

    ردحذف
  7. عاوزه سكن بنات كويس بالقاهره احد يساعدني انا جامعة بالشروق

    ردحذف
  8. لو حد عاوز سكن مغتربات امن لاتصال0103590656

    ردحذف
  9. والله مش كلهم وحشين وانا سكنت قبل كدة وان شاء الله هسكن فى نفس السكن تانى .دعواتكم

    ردحذف